علّقت الفنّانة اللّبنانيّة نجوى كرم على أنباء طلاقها في مقابلة لـ"etbilarabi"، قائلة: "نحنا بالوقت اللي كنا راقدين فيه، كنّا راقدين ومش راقدين، عم نشتغل ومش عم نشتغل، عبالنا ومش قادرين، لأن مزاجنا كان شوي عاطل".
وفسّرت سبب غيابها عن وسائل التواصل الاجتماعي وتراجع نشاطها الفنّي خلال الأشهر الستة الماضية، ما أدّى إلى انتشار الشائعات والتساؤلات، قائلة: "وضع البلد كثير بينعكس علينا، وأنا بالذات لمّا بكون البلد شوي تعبان، أنا عنجد بكون ما إلي نفس ومش قادرة وما بدّي".
وعن شائعة طلاقها التي انتشرت عبر مواقع التواصل الاجتماعي، أجابت: "قدّيش حلوة غيب وما حدا يحكي شي، بكون بطّل إلي وجود. يحكوا شو ما بدهن يحكوا، طالما في حكي طالما نحنا موجودين، حتى لو غايبين".
وأشارت إلى أنّها لم تُقم حفلات هذا العام، قائلة: "أنا كنت محضّرة مهرجانات بلبنان كبيرة، بس بسبب التهويل بأول الصيف، بلكي صار تم إلغاء بعض المهرجانات اللي عاملتها الدولة، فقلنا نحنا ما بدنا نعلن عن حفلات ونخاطر. إنشالله السنة الجاي، بعد ما أنا انخذلت السنة وما عملت حفلة، وكان على بالي أعمل حفلة كثير كبيرة ببيروت وبغير مناطق".
